Latest Post


وڵات_چلانە قادر 
وڵات لەسەرچاوەیەکى تایبەتەوە تەواوى ڕووداوەکەى ئەمڕۆى بازگەى نازەنین باسدەکات، کە بەهۆیەوە پەیوەندییەکانى یەکێتى و پارتى ئاڵۆزى تێکەوت، بەگوێرەى زانیارییەکانیش: "یەکێتى هەڕەشەى کشانەوەى لەحکومەت کردووە".

بەگوێرەى زانیارى ئەو سەرچاوەیە، بەیانى زوو مەحمود سەنگاوى لە سلێمانیەوە بەرەوە هەولێر بەرێدەکەوێت بەمەبەستى بەشداریکردن لەکۆبونەوەى مەکتەبى سیاسى یەکێتى نیشتمانى، کاتێک دەگاتە بازگەى نازەنین کە لەلایەن ئاسایشى پارتیەوە بەڕێوەدەبرێت، ئاسایشەکان بەشێوەیەکى لەسەرخۆ و بەترسەوە پێدەڵێن: "پێوێیستە پەیوەندى بە سەروخۆیانەوە بکەن، ئەویش دۆخەکە بەئاسایى وەردەگرێت"، بەڵام دەست بەجێ حاکم قادر ئەندامى دەستەى کارگێڕى لەدۆخەکە ئاگادار دەکاتەوە.

سەرچاوە تایبەتەکەى وڵات، ووتى: "کاک مەحمود دوو ئۆتۆمبێلى پێبووە بەوپەڕى ئارامیەوە دۆخەکەى وەرگرتووە"، بەڵاو لەوکاتەدا ستافى مەحمود سەنگاوى هەست بەجوڵەى نائاسایى لە بازگەکە دەکەن بەجۆرێک هێزەکەى پارتى بەدەوربەرى بازگەکە و ئۆتۆمبێلەکە بڵاودەبنەوە و خۆیان دادەمەزرێنن".

سەرچاوەکەى وڵات ئاماژەى بۆ ئەوەشکرد، مەحمود سەنگاوى بۆ ئەوەى کێشە و ئاژاوە دروست نەبێت بڕیارى ئەوەدەدات نەچێتە هەولێر،  ئەوەش پاش ئەوەى ئەفسەرى بازگەکە دەچێتە لاى مەحمود سەنگاوى پێدەڵێت:"من دەستت ماچ دەکەم من فەرمانم پێکراوە، هیچ دەسەڵاتێکم نیە". 

یەکێتى زیاتر لە ٤٥ ئەفسەر و بە رپرسى پارتى گەڕاندووەتەوە هەولێر

سەرچاوەکەى وڵات، ئەوەشى باسکرد، لەوکاتەدا حاکم قادر بۆ چارەسەرى کێشەکە پەیوەندى بە عیسمەت ئەرگوشى بە بەڕێوەبەرى ئاسایشى گشتى هەرێمەوە دەکات و ئاگادارى دەکاتەوە لەو دۆخەى لە بازگەى نازەنین ڕوویداوە، ئەویش بەڵێنى چارەسەرکردنى دەدات، بەڵام دواتر عیسمەت ئەرگوشى نە دۆخەکە چارەسەر دەکات و نەوەڵامى پەیوەندى حاکم قادر دەداتەوە.

هەر بەگوێرەى زانیارییەکان، مەحمود سەنگاوى دەگەڕێتەوە بەرەو سلێمانى، مەکتەبى سیاسى یەکێتیش بڕیار دەدات کۆبونەوەکە نەکات، بەڵام سەبارەت کەیسەکەى مەحمود سەنگاوى پاش کۆبونەوەکەیەکى کورت چەند بڕیارێک دەردەکەن.

یەکەم بڕیارى مەکتەبى سیاسى یەکێتى ئەوە دەبێت، نامەیەک ئاڕاستەى سەرکردایەتى پارتى دەکەن، بەڕوونى بەپارتى دەڵێن: "ئەم کارە بەرامبەر ئەندامێکى مەکتەبى سیاسى بەهیچ شێوەیەک قبوڵناکەن و بێ وەڵام نابێت".
هاوکات بازگەکانى زۆنى سەوز بەڕووى سەرجەم بەرپرسەکانى پارتى دەدەخەن، بۆ ئەومەبەستەش لاهور شێخ جەنگى فەرمان دەردەکات، نابێت بەهیچ شێوەیەک ڕێگە بەهاتووچۆ بە بەرپرسەکانى پارتى بدرێت.

سەرچاوەیەکى باڵا لەیەکێتى نیشتمانى کوردستان ئەوەى بە وڵات_ ڕاگەیاند: "بڕیارمانداوە ئەگەر پارتى هەڵوێستى نەبوو و داواى لێبوردنى نەکرد ئەوکات یەکێتى لەحکومەت و پەرلەمان دەکشێتەوە"
ڕاشیگەیاند: " نامه‌یكمان ئاراسته‌ى هه‌موو قونسولخانه‌كان كرد وه‌ دوخه‌كه‌مان بو روونكردنه‌وه‌".

سەرچاوە باڵاکەى یەکێتى نیشتمانى، ئەوەشى ڕونکردەوە سبەى هەینى کاتژمێر ١١ مەکتەبى سیاسى یەکێتى لە سلێمانى بەئامادەبوونى مەحمود سەنگاوى کۆدەبێتەوە و هەروەها پرسى پارێزگارى کەرکوک دەخرێتە بەرباس و هەر سبەى لەسەر ئەو پرسە یەکێتى هەڵوێستى خۆى بەتەواوى بۆ پارتى ڕوندەکاتەوە و ڕایدەگەیەنێت.

بەگوێرەى زانیارییەکان، هەر ئەمڕۆ لەکاردانەوەى گەڕاندنەوەى مەحمود سەنگاوى بۆ سلێمانى، زیاتر ٤٥ ئۆتۆمبێلى بەرپرس و ئەفسەرانى پارتى گەڕێنراونەتەوە بۆ هەولێر، دواى ڕوداوەکەش زۆرینەى ڕەهاى بەرپرسانى پارتى بۆ چارەسەرى پرسەکە هاتوونەتە سەر هێڵ و خۆیان لەو ڕووداوە بێبەریکردوە و داواى لێبوردنیان کردووە. 

قایمقامیەتی شارۆچكەی كەلار ڕایدەگەیەنێت ، لەلایەن لیژنە هاوبەشەكانەوە 21 تۆن هێلكە لەناوبران، كە پێكهاتبوو لە 900 كارتۆن، دەشڵێت ،”هێلكەكان لەلایەن هێزەكانی ئاسایشەوە لە بازگەیەكی كەلار دەستی بەسەرداگیراوە”.
قایمقامیەتی شارۆچكەی كەلار لە ڕاگەیەنراوێكدا، كە وێنەیەكی بۆ (وڵات) نێراوە ڕایگەیاندووە ، لەلایەن لیژنەهاوبەشەكانی كەلارەوە 21 تۆن هێلكە و لەناوبران، كە پێكهاتبوو لە 900 كارتۆن.
ڕاشیگەیاندووە، دوای ئەوەی ئەو هێلكانە لەلایەن ڤێتەرنەری گەرمیانەوە پشكنینی بۆ كراو و دەركەوتووە، شیاو نین بۆ خواردن هەر كارێكی دیكەی مەقفەس و پەلەوەر.
ئاماژەبۆ ئەوەشكراوە ، ئەو هێلكانە لەلایەن هێزەكانی ئاسایشەوە لە بازگەیەكی كەلار دەستی بەسەردا گیراو دواتر لە لایەن لیژنەكانی قایمقامیەتەوە ڕێكاری یاسایی لەبەرامبەردا گیرایەبەر.




ئاژانسى وڵات
وه‌زاره‌تى دارایی و ئابورى حكومه‌تى هه‌رێمى كوردستان، لیستى مووچه‌ى ته‌واوى ئه‌و وه‌زاره‌تانه‌ى ڕاگه‌یاند كه‌ مووچه‌ى مانگى حوزه‌یرانیان وه‌رنه‌گرتووه‌.

ئه‌مه‌ى خواره‌وه‌ لیستى مووچه‌كه‌یه‌:

وڵات
ئەمڕۆ پێنج شەممە محەمەد حەلبووسی سەرۆكی پەرلەمانی عیراق گەیشتە هەولێر.
بڕیارە حەلبووسی لەگەڵ گەورە كاربەدەستانی هەرێمی كوردستاندا كۆببێتەوە.
سەردانەكەی حەلبووسی ڕۆژێك دوای سەردانەكەی بەرهەم ساڵح سەرۆك كۆماری عیراقە بۆ هەولێر و كۆبوونەوەی لەگەڵ گەورە كاربەدەستانی هەرێمدا.
كاربەدەستانی باڵای عیراق لەگەڵ بەرپرسانی هەرێمدا لەبارەی كێشەكانی نێوان هەرێم و بەغدا و گەیشتن بە ڕێككەوتن لە بارەی نەوت و بودجە گفتووگۆ دەكەن.


بەڕێوەبەرایەتی هاتوچۆی پارێزگای سلێمانی ڕایدەگەیەنێت، بۆ وەرزی نوێی خوێندن هاوكار دەبین لە پاراستنی گیانی منداڵان.

ڕادیۆی فەڕمی بەڕێوەبەرایەتی هاتووچۆی سلێمانی بڵاویكردەوە، لە ڕێگای بڵاوكردنەوەی بابەتەكانی پەیوەست بە هۆشیاریی و سەلامەتی لەكاتی شۆفێریكردندا بۆ ئەمساڵی وەرزی خوێندن هاوكاری پاراستنی گیانی منداڵان دەبین.

لای خۆشییەوە بەهمەن عەبدوڵڵا بەڕێوەبەری ڕادیۆكە لە ڕاگەیەنراوێكدا ئاماژە بۆ ئەوە دەكات، لە ماوەی پێنج ساڵدا تەنها لە پارێزگای سلێمانی 173 منداڵ بەهۆی ڕووداوی هاتوچۆوە گیانیان لەدەست داوە.

ئەمەش لەكاتێكدایە ئالان حەمە سەعید وەزیری پەروەردەی حكومەتی هەرێمی كوردستان ئاشكرایكرد، ڕۆژی شەممە بەرواری 21-9-2019 یەكەم ڕۆژی وەرزی خوێندنی ساڵی 2019-2020 دەبێت.

بەڕێوەبەرایەتی سەرجەم پارێزگاكانی هەرێم، سەرجەم بەڕێوەبەری خوێندنگە و قوتابخانەكان ئاگادار دەكەنەوە كە ڕۆژی شەممە سەرجەم ئامادەكارییەكان بۆ دەستپێكردنی وەرزی یەكەمی خوێندنی ئەمساڵ جێبەجێ بكەن.


وڵات_

دیوانی چاودێری دارایی هەڵە‌و لادانە ژمێریارییەكانی (وەرشەی مەركەزی) سەر بەوەزارەتی كارەبا هەڵدەداتەوە‌و ئاماژە بەچەندین لادانی ژمێریاری دەكات، لەوەرگرتنی مووچەو پێدانی پێشینەو دیارنەمانی سەدان ملیۆن دینار.

دیوای چاودێری دارایی ڕاپۆرتێكی لەبارەی حساباتی كۆتایی (وەرشەی مەركەزی) سەر بەوەزارەتی كارەبا كردووە، لەو ڕاپۆرتەدا وردبینی كارەكانی ئەم بەڕێوەبەراتیەی كردووە كەپەیڕەوی سیستمی ژمێریاری یەكگرتوو دەكات.

سەرەتای ڕاپۆرتەكە باسی (هەبووەكان) (مەوجوداتی جێگیر)ی بەڕێوەبەرایەتیەكە دەكات، لەڕاپۆرتەكەدا ئاماژە بۆ ئەوەدەكات هەرچەند ئەم بەڕێوەبەرایەتیە جەردی فعلی ئەنجامداوە، بەڵام ئەنجامی ئەو جەردە یەكنەخراوە‌و بەراورد نەكراوە بەتۆمارگەكان بۆ دیاریكردنی زیادوكەم، ئەمەش كاریگەری لەسەر بەهای ئەو كەلوپەلانەی بەڕێوەبەراتیەكە هەیە.

ئەوەش دەڵێت "لەئەنجامی وردبینی دەركەوت، هەندێكجار سوان بەهەڵە تۆماركراوە ئەمەش كاریگەری سلبی هەبووە لەسەر ئەنجامی كردارە داراییەكان"ی ئەم بەڕێوەبەرایەتیە.


شەش ملیار‌و ٢٦٧ ملیۆن‌و وەك قەرز دراوەتە كۆمپانیاو خەڵكی تر، بەڵام  ئەم قەرزانە وەرنەگیراونەتەوە

هەر بەگوێرەی ڕاپۆرتەكەی دیوانی چاودێری دارایی بڕی ٢٥٢ ملیۆن ٢٨٤ هەزار‌و سێ سەد‌و چل دینار، لەحساباتی ئەم بەڕێوبەرایەتیە دەركەوتووە، كەبریتیە لەبەهای مۆلید‌و چاككردنی محاویلە‌و كەلوپەلی كارەبایی دراون بەبەڕێوبەرایەتیەكانی دابەشكردنی كارەبا، بەڵام پشتگیری لەم بەڕێوبەرایەتیانە وەرنەگیراوە بۆ هەندێك لەو بەهایانەی لەسەریان تۆماركراوە، ئەمە جگە لەوەی ئەم حسابە (بەشێوەیەكی ژمێریاری هاوسەنگ نەكراوە لەنێوان بەشی ژمێریاری ئەم بەڕێوبەرایەتیە‌و بەڕێوەبەرایەتیەكانی تر".

هاوكات بڕی شەش ملیار‌و ٢٦٧ ملیۆن‌و ٤٧٨ هەزار لەژمێرەی (١٦٥ی) ئەم بەڕێوبەرایەتیە كەبریتیە لەقەرزی ئەم بەڕێوەبەرایەتیە لەسەر كەس‌و فەرمانگە‌و كۆمپانیاكان، زۆرینەی قەرزەكانیش بەهای ئەو مۆلیدانەن دراون بەو لایەنانە، بەگوێرەی لیژنەكەی دیوانی چاودێری دارایی، ئەم قەرزانە وەرنەگیراونەتەوە‌و هاوكات پشتگیری ئەو لایەنانە وەرنەگیراوە كەبەهای مۆلیدەكانیان لەسەر تۆماركراوە.

هاوكات هەر لەبەشی ژمێریاری ملیۆنێك‌و ٧٦٠ هەزار دینار وەكو پێشینەی هاوسەرگیری دراوە بەكارمەندەكانی ئەم بەڕێوەبەرایەتیە، بەڵام ڕاژەكانیان گواستووەتەوە‌و پارەكانیان نەگێڕاوەتەوە بۆ خەزێنەی دەوڵەت.

دیوانی چاودێری دارایی پاشان تێبینی ئەوەدەكات، بڕی زیاتر لە٢ ملیۆن‌و ٧٣٣ ملیۆن دینار لەحسابێكی ئەم بەڕێوەبەرایەتیەیە دەركەوتووە بریتیە لەبەهای گازی دابینكراو بۆ مۆلیدەكانی ناوشار، لەلایەن بەڕێوەبەرایەتی (گواستنەوەی وزەی كارەبا) دابینیكراوە لەگەڵ وەرگرتنی كەل‌و پەل لەبەڕێوەبەرایەتی دابەشكردنی كارەبای سلێمانی، بەڵام ئەم بڕە پارەیە پاكتاونەكراوە واتە بڕی دابینكراو لەگەڵ بڕی خەرجكراو لێكدەرنەكراوە‌و بڕی ماوە نەدراوەتەوە بۆ خەزێنەی گشتی دەوڵەت، هاوكات ساڵانی پێشوو ئەم ژمێرەیە لەلایەن بەشی ژمێری وەرشەی مەركەزی‌و بەڕێوەبەرایەتیەكانی تری كارەبا بەراوردكاری نەكراوە.


دیوان زیاتر لەبارەی لادان‌و هەڵەژەمێریارییەكانی وەرشەی مەركەزی دەنوسێت‌و ئاماژە بۆ هەڵەیەك لەبەشی ژمێریاری دەكات بەبڕی زیاتر ٣٣١ ملیۆن‌و ٧٢٨ ملیۆن دینار كەتەمویلی وەزارەتی داراییە بۆ ئەم بەڕێوەبەرایەتیە، دیوان دەڵێت "ئەم بڕە بەهەڵە لەبەشی ژمێریاری تۆماركراوە، هاوكات هەڵەكە ڕاست نەكراوەتەوە".

هاوكات بڕی ٣ ملیۆن‌و ٤٤٥ هەزار دینار لەبەشی ژمێریاری ئەم بەڕێوبەرایەتیە بەهەڵواسراوی ماوەتەوە، لەكاتێكدا ئەو پارانە پێش سێ ساڵ وەرگیراون، بەڵام پاكتاونەكراون، هاوكات دیوان باسی وردبینی بانكی دەكات لەبانكی سەلام بەبڕی ١ ملیۆن‌و ٢٢٢ هەزار دینار كەبەهای سێ چەكە‌و بەهەڵواسراوی ماوەتەوە لەتۆمارگەی كەشفی موتابەقەی بانك، لەكاتێكدا كاتێكی زۆر ڕۆیشتووە بەسەر بەرواری چەكەكاند ژمێریاری ئەم بەڕێوبەرایەتیە بەدواداچونی بۆ نەكردوو.

دیوان لەكۆتا خاڵی ڕاپۆرتەكەدا ئەوەش باسدەكات، زیاتر لە٤ ملیۆن‌و ٤٥٣ هەزار دیناری بۆ گواستنەوەی گاز‌و ڕۆن بۆ مۆلیدەكانی تەكیەیی جەباری‌و قادر كەرم، ئەوەی جێگەی سەرنجە بەلای لیژنەكەی دیوانەوە، ئەوەیە دوو شۆفیڕ بەشێوەی مانگانە بەكرێگیراون، لەكاتێكدا دەبوو بەگوێرەی گرێبەست بوایە بخرایەتە ژمێرەی (ئیجار نقل ٣٣٥٤).


چەند فەرمانبەرێك سەرباری ئەوەی موڵەتی نەخۆشیان كردووە، بەڵام دەرماڵەی جوگرافیان پێدراوە 

لیژنەكەی دیوان ڕای وایە، ئەو تێبینیانە كاریگەریان لەسەر حساباتی وەرشەی مەركەزی هەیە‌و زیاتر دەڵێت "بەیاناتی بەڕێوەبەرایەتی وەرشەی مەركەزی گوازرشت لەڕووی راستەقینەی دارایی ناكات".

دیوان لەبارەی دابەشكردنی موچەوە، ئاماژ بەلادانێك دەكات ئەویش ئەوەیە بەشێك لەفەرمانبەران لەكاتی وەرگرتنی موچەدا ئامادەنابن لەبری ئەوان فەرمانبەرێكی دیكە واژوو دەكات، ئەمەش پێچەوانەی ڕێنماییەكانی وەزارەتی داراییە بۆ وەرگرتنی موچەی فەرمانبەران.

لیژنەكەی دیوانی چاودێری دارایی ئاماژەی بۆ ئەوەشكردووە، چەند فەرمانبەرێك سەرباری ئەوەی موڵەتی نەخۆشیان كردووە، بەڵام دەرماڵەی جوگرافیان نەبڕدراوە وەریان گرتووە، لەكاتێكدا بەگوێرەی ڕێنماییە دارییەكان پێویستە لەم حاڵەتەدا دەرماڵەی جوگرافی ئەو فەرمانبەرە ببڕدرێت.


دیوانی چاودێری دارایی: ژمارەیەك فەرمانبەر بەنایاسایی ماوەی خزمەتیان بەزیاد بۆ هەژماركراوە

لیژنەكەی دیوان، دۆسیەی چەند فەرمانبەرێكیشی هەڵداوەتەوە كەبەشێوەی نایاسایی ماوەی خزمەتیان بەزیاد بۆ هەژماركراوە لەوبارەیەوە دۆسیەی فەرمانبەرێك هەڵدەداتەوە بەناوی (ع.ت) ئەم فەرمانبەرە بەمەبەستی پلەبەزركردنەوە خزمەتی پێشمەرگایەتی هێناوەتەوە، پاش وردبینكردن لەدۆسیەی كەسی ئەم فەرمانبەرە دەركەوت فەرمانبەری ناوبراو لەو كاتەی كەخزمەتی پێشمەرگایەتی بۆ حسابكراوە لەو كاتەدا خوێندكاربووە، ئەمە جگە لەهەڵدانەوەی دوو دۆسیەی دیكە ماوەی خزمەتیان بۆ هەژماركراوە لەدەرەوەی ڕێنماییەكانی وەزارەتی دارایی .

MKRdezign

ivythemes

{facebook#https://www.facebook.com/wllatnet} {twitter#https://twitter.com/wllatmedia} {google-plus#https://plus.google.com/+WllatNet} {pinterest#https://www.pinterest.com/ajansiwllat/} {youtube#https://www.youtube.com/c/WllatNet} {instagram#https://www.instagram.com/wllatnet/}

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.
Javascript DisablePlease Enable Javascript To See All Widget